هوا أنا كده طب اعمل ايه فى نفسى

الاثنين، 27 أغسطس 2012

وبعديــــن يادبدوبى ؟؟

 

 
امبارح بالليل أعدت على سريرى مش عارف انام ... افتكرت نفسى وانا صغير 
كانت الحاجه الوحيده اللى مش بتخلينى اعرف انام انى ببقى خايف من الظلمه 
كنت ساعتها بروح انام فى حضن ماما أو كنت بحضن الدبدوب بتاعى وانام
ده كانت كل مشكلتى اللى بتأرقنى وبتودّى النوم من عينى 
بس امبارح انا مكنتش خايف من الظلمه ... ومكنتش عارف انام !!
كنت متدايق اوى ومش طايق نفسى 
قومت وطلعت الدبدوب بتاعى وقولتلو نيمنى زى مكنت بتعمل زمان واحنا صغيرين 
حسيت انو بيقولى : وانت صغير كنت بهدى فيك خوفك وانيّمك ... لكن دلوقتى اهدى فيك ايه ولا ايه ... بصيتلو وقولتلو يارتنى ارجع صغير تانى 
وقعدت افتكر نفسى وانا صغيرلما كنت بقلد الكبار وكان نفسى اكبر اوى عشان اعمل زى الكبار وابقى كبيييييير بقى 
لكن لما كبرت 
اتمنيت انى افضل علطول صغير اتمنيت ارجع الطفل اللى بحبه اللى بيتعامل مع الناس كلها بعفويه وميعرفش اى معانى تانيه غير المعانى اللى اتفطر عليها اللى ربنا خلقوا بيها ومفيش حاجه غيّرتها طفل مليان براءه وحب وصدق واخلاص فى التعامل 
اه عايز ارجع طفل تانى لأنى اكتشفت انو مينفعش نتعامل ببراءه لما نكبر .. مينفعش ..... اه والله مينفعش 
وكمان مينفعش ارجع طفل :(... مش شايل اى هموم وواخد الحياه على انها مغامره ولعبه لطيفه 
مينفعش ارجع الطفل اللى كانت اكتر حاجه بتسعده الحلاوه المسكّره واللعبه الجميله 
واكتر حاجه بتدايقوا طعم الدوا اللى الدكتور كتبهوله !!
يـــــــــاااااه 
لوكنت اقدر اسيب الحياه بارادتى وارتااااااح 
وهو برضو هريح الدنيا منّى مش يمكن المشكله فيا ؟؟؟ 

الكاتب : الطفل اللى كبر وياريته ماكبر !! 



هناك 5 تعليقات:

Unknown يقول...

ونا صغيره لما كنت بسمع اغنيه زمان وناصغير لاول مره وشوفت الكليب بتعها قولت معقول لما اكبر هاحس بكده ونا كنت بسمعها كلام كل الكبار الى حوليه كانوا بيقولى استمتعى بطفولتك ومتستعجليش على الهم وشيل المسؤليه وانك تكونى كبيره احنا بنتمنى يوم واحد من الايام ده ترجع تانى ،وقررت انى مهما كبرت هافضل صغيره بروحى الخفيفه الطفوليه.

زمان ونا صغير كنت بحلم ابقي كبير ...:) حلوه تدونتك

~ISLAM~ يقول...

متدايقيش انك كبرتى كلنا بنكبر بهمومنا

كان فى مثل بسمعه وانا صغير ومكنتش فاهمه

كانوا يقولوا اهو ده حال الدنيا

فعلا هو ده حال الدنيا

كلماتك جميلة بالتوفيق

Alzhraa_Mustafa يقول...

اختى لبنى اسعدنى تعليقك جدااا
ارجو ان تتابعى التدوينه باستمرار
اشكرك :)

Alzhraa_Mustafa يقول...
أزال المؤلف هذا التعليق.
Alzhraa_Mustafa يقول...

فعلا استاذ اسلام هذا هو حال الدنيا
اشكرك على مرورك وتعليقك