هوا أنا كده طب اعمل ايه فى نفسى

الاثنين، 16 يوليو 2012

أرجوك لا تكن مثلهم .. !!






 

لم تعد هي ... ولن تعود ابــــــــــداا كما كانت 
فلقد سئمت من معاملة الاخرين لها على انها (طيبه أوى )
ليه الطيب بيتبهدل بين الناس دلوقتى ؟؟؟
ليه الطيب بيتقال عليه (عبيط ) 
لازم الواحد يبقى بيعض فى الخلق طول ماهو بيتعامل معاهم يعنى 
عشان يعرف يعيش
فى مقوله بتقول (ان لم تكن ذئبا أكلتك الذئاب ) بس ده للى عايش وسط ديابه 
ايه ... ياترى هيا الناس كلها دلوقتى ديابه ؟؟؟
مش ممكن .... !!!
لسه فى مجال الواحد يتعامل بطبيعته وبطيبه وحسن نيه مع الناس دلوقتى 
؟؟؟؟؟؟؟؟
.
.
ولا هيا بقت غابه والقانون اللى ماشى فيها (البقاء للأقوى ) 
بس أقوى بايه؟؟ .. بالكدب .. بالغش .. بالنصب .. بالبلطجه .. 
معتقدش ان ده قوه ابـــــدااا 
.
.
اللى يحزّن ان الطيب بيحس ان العيب فيه هوّا مش فى النّاس لأنو بيبقى نادر الوجود
وسط عالم غريب من بشر لا يملكون اخلاقا اصلا 
فهل يتعامل معهم باخلاص 
وود .. واحترام ؟؟ 

تعامل بأخلاقك أنت لا بأخلاقهم فلعلّك تعديهم يوما أوتعلمهم شيئا بطيبتك 

ربنا يحفظنا جمييعا يارب 

هناك 6 تعليقات:

Hanan w Haneen يقول...

ربنا يحفظنا من اخلاقهم السيئة .. وده كان خوفي انى فى يوم من الايام طيبتى تتغير وهما يعدوها .. وشكلهم كده هيعرفوا
ربنا يستر علينــا من العالم دي <_<

تحياتى :)

أندروميدا يقول...

المؤمن القوي خير من المؤمن الضعيف ... ومش شرط ان الطيبة تعني دائما الضعف .... بل ان منتهي القوة ... ان يكون المرء قادرا علي الشر .. ويكبح جماح نفسه .

وكما يقول المثل الفرعوني القديم ...اعمل الخير والقه في النهر ... فحينما ينحسر ماؤه .. ستجده أمامك .


تحياتي

Unknown يقول...

جميلة جدا يا زهراء وبالفعل
الدنيا بقت كلها ديابه وصعاليق وكويس انك قرأتى مدونتى بتاعة المقارنه عشان كنت هقول شوفى حالنا منها دلوقتى وفعلا مينفعش الطيب ولا المثثقف يعيش فى البلد دى
حقا هى بلدى وهذا هو شعبى وانا لست به فخوراً

Alzhraa_Mustafa يقول...

( Hanan)لا أرجوكى متقوليش وشكلهم كده هيعرفوا .... محدش هيعرف يغيرك مدام انتى ثابته على مبدأ ... هيا صعبه اكييد بس لازم تقاومى لازم
أسعدتينى اوى والله بمرورك :)

Alzhraa_Mustafa يقول...

اندروميدا :
تعليقك جميييل جـــداا ورائع
وأنا بضم صوتى لصوت المثل الفرعونى وبقول اعمل الخير واحتسبه عند ربنا والله مش هيضيع ابداا
شكرا على مرورك :)

Alzhraa_Mustafa يقول...

شكرا يا(مفكر حكيم )
بس مش الدنيا كلها كلها يعنى :)
وخلّى عندك امل ... سدقنى والله انا عندى امل كبييير اوى ان ربنا هيصلحلنا الحال
وان شاء الله هنبقى فخووورين ببلدنا جــداااا وبلاش الاحباط اللى انت فيه ده يااسلام :)