هوا أنا كده طب اعمل ايه فى نفسى

الخميس، 7 يونيو، 2012

طب هما مين ؟ وليه ؟




كنت قاعد فى النادى اللى بحبه وعلى طرابيزتى المعرووووفه . (قدام النيل علطول ) ......... مع ان فى طرابيزات كتييير جنبى بس وكأن الناس عارفين انى بحب الطرابيزه ده .......ودايــــــــــــما بلاقيها فاضيه هيا والكرسى الوحيد اللى دايما بلاقيه عندها :)
وقعدت كالعاده ... طلبت عصير المانجا اللى انا بعشقه بصراحه
وفتحت روايتى اللى وصلت لنصها وهموووت وخلصها اصلها (كانت شدانى اوى )لدرجة انى وانا بقرا فيها مبخدش بالى من الناس حوليا لدرجة أحيانا بقوم بلاقى وشوش تانيه خااااالص غير اللى شوفتها وانا جى اعد ............. بس فى اليوم ده انتبهت على صوت واحد بيقولى لوسمحت ! بصيت ... لقيت واحد جايب كرسى وبيستأذن يعد على نفس الطربيزه ! بصيتلو وبصيت حوليا لقيت فى طرابيزات فـــــــاضيه وطرابيزات تانيه واحد بس قاعد عليها زى حلاتى كده (اشمعن الطرابيزه بتعتى يعنى ؟)
قولتلو :اتفضل وابتسمت ابتسامه خفيفه .
وقعد .... وانا بصيت فى روايتى تانى
.
.
لقيتو بيبصلى وبيضحك ..!
قولتلو :فى حاجه ؟.... قالى لأبس شكلك حلو أوى وانت مندمج فى القرايه
ضحكت وعزمت عليه بالعصير قالى شكرا انا طلبت شاى (لاوالله كنت عايز تشربو كمان ؟ههههه)
ولما جيت أكمل قرايه قالى :معلش دايقتك بقعدتى (افففف ياعم عايز أكمل الروايه بقه )
قولتلو :لا ابدا خد راحتك ياسيدى
لقيتو بيقولى :ممكن تسمعلى شويه ؟ لو مافيش مانع ؟
لما بصيتلو ساعتها حسيت انو نفسو يتكلم مع حد ويمكن ده اللى خلاه يختار طرابيزتى يعد عليها ........!!!
طبقت الصفحه اللى وصلتلها فى الروايه .. (مع انى هموووت وأخلص الروايه النهارده :(

وركنت الروايه جنب كوباية العصير (اللى هموت وأشربها بس مستنى شايوو يجى )
وقولتلو :اتفضل  انا سمعك
وبدأ يتكلم .. ويتكلم ... ويحكى عن حياته ... وعن حجااااات كتييييييييير ..... وأنا بصراحه كنت حاسس انى مستمتع بكلامه ومش عايز اقاطعه وهو بيتكلم مع انو طووووووووووول اوى اوى يعنى .
سكت شويه وبصلى ... قالى آسف صدعتك ...
قولتلو :بالعكس كلامك مسلى بس مش غريييييبه ان احنا منعرفش بعض وخدنا على بعض اهه..... لقيتو بصلى بتكشيييره ....
حاولت ألطف الجو ... قولتلو هوا شايك لسه مجاش :) ! اتأخر مش كده ؟
قالى انت زهقت منى صح ... قولتلو :يااعم ولا زهقت منك ولا حاجه مالك مصعب الموضوع كده ليه ؟ماياما بنبقى محتاجين نفضفض ونتكلم
رد بضيق أنا آسف انى اخدت من وقتك كتيير ...... واستأذن وقام
بس وهو قايم رجلو خبطت فى الطرابيزه وهزتها فدلق كوباية العصيير :( والعصير لما اتدلق بهدل الروايــــــــــــــــه ( لأروايتى اللى كنت خلاص هخلصها ) .. بصلى بطرف عينه وقالى أنا آسف مقصدش وسبنى ومشى ... بكل برووووود
بصيت للروايه اللى كان نفسى أخلصها وسيبتها عشانو ومبقتش عارف حتى أمسكها دلوقتى
قومت وبصيت لمنظر الطربيزه اللى بقى يقرف وروحت وقفت عالنيل وأنا متداااااااااااايق أوى ومش طايق نفسى
وفى نفس الوقت مستغرب من اللى حصل جداا .. دنا حتى معرفش اسمه ايه ؟!.. هو ايه اللى جابو على طربيزتى اصلا من الأول
هو يعنى كان غلطى من الأول انى سمحتلو يعد ويتكلم ويفضفض ....بس أنا مغلطتش
كنت حاسس انو عايز يتكلم مع حد واخترنى وانا سمعتلو .... يبقى انا كده غلطان ؟؟!
.
.
.
هو برضو كده (أحيانا بنبقى مبسوطين فى حياتنا وسعداء بيها أوى ويدخل فيها أشخاص بكل رقه وذووق وممكن كمان نستمتع بوجودهم ) بس فجأه بيطلعو من حياتنا
وبيدلقو العصيير برضو .....
وميقصدووش برضو ....
واحنا بنبقى مستغربيين ميييـــــــــــــن دووول ؟؟؟؟ ودخلو حياتنا منييين ؟؟؟؟ وراحو فيين ؟؟؟ وكانو عايزييين ايـــــــــــه ؟؟؟(بيسيبونا فحيـــــــــــــــــــــــــره )!!!
بس قبل مابيسيبونا بيبوظو حجاااات كتيــــــــــــــــــــــر أوى !!!!

هناك 6 تعليقات:

غير معرف يقول...

كثيرون هم ف حياتنا ليتهم مادخلوها اصلا فيتركونا سعداء او انهم عندما دخلوها تركونا دون احزان

Alzhraa_Mustafa يقول...

فى رايي ان الحزن لايكون على شخصهم وانما على مابعثروه وتركوه ..... دون اصلاح

غير معرف يقول...

جميله يا زهرااااء ومعناها واصل وواضح جدااااااا تسلم ايدكtoka

Alzhraa_Mustafa يقول...

تسلمى ياقمر ومتحرمنيش من مرورك على المدونه ... اسعدتينى جدا :)

فتــافيت يقول...

ياااااااااااه
ناس كتير هوايتها،، في الحياة بس
انهم يدخلوا يدلقوا لنا العصير :(

عجبني البوست بجد!

Alzhraa_Mustafa يقول...

فتافيت
أسعدنى مرورك جـــــــــدااا
ارجو منكى متابعة المدونه باستمرار :)